.

Home
E
venti
Cenni storici
Tradizioni
Bellezze
Monumenti
Hotels e Ristoranti
Links Utili
GuestBook

 

 

Li Siri di na vota
 

di Salvatore Mangiardi (Nzolla)

Eranu ,si e no’, li cincu e menza di na sirata di jennaru,lu friddu tagghiava li zappi e la fami si mbiscava cu lu pitittu.Cola di la rotedja vena m’basciu  di susu e, mentri si ferma alla funtana vecchia mu si vagna la vucca ,nci vena m’ pinziaru mu passa di ja a micu di n’duia mu lu trova e mu si fannu na stizza di vinu n’ziama.Bottijia alla porta e vittuaria di posca dicia:”questa?...ah a cola trasa assettati un muarzu ,Micu e’ tra la barracca chi smarra…appunta ca vaiu e lu chiamu”

Cola:”a vittuaria ca ti dassu dui ovicedja frischi cal i scindivi di susu,ti li miantu supa alla buffetta”

Cola  appoia la runca e stira n’tra la busazza duvi avia l’ova,ndi pigghia na quattrina e ci l’appoia supa alla buffetta…tra tantu s’assetta.e cu la pizzicalora attizza lu luci e mentri si mova supa allu rumbulu duv’era assettatu…”pruuuum”, n’ci scappa nu piditu

Tra mentri trasa micu e cu una risata di li sue n’ci dicia:”a cola,avivi su tribunali e ti n’di jivi a casa d’affittu?”

Cola:”a micu passai mu ti truavu e mu ni facimu na stizza ca pue haiu mu scindu dja basciu ca Cunzulata appa di fari na vuccata”

Micu:”a vittuaria,apra lu stipu e pigghia lu vinu”

Vittuaria:”ava di sta matina chi mi percia n’tra la schina,chi dici a Cola pi lu friddu?”

Cola”ca io chi sacciu,nomme’la mpruvenza”

Micu pigghia li bicchera di lu stipu e posa lu vinu tra nu rumbulu e latru duvi su assettati vicinu lu focularu,inchia li bicchera e attruzzanu.

Micu:”su vinu e’ russu e fiavura di pueda…brindisi fazzu a cola di la roteda”

Cola:”su vinu e’ sapuritu e fiavura cuamu na curuda…brindisi fazzu a micu di n’dujia”

Cola si lu calau a na vota forsi pi siti o picchi n’ci piacia;Micu lu provau e si misa parrandu mu smarra na cucchiara…

Passau na bona menz’urata ragiunandu,Cola si pigghia la busazza e si n’crocca la runca e n’ci dicia a micu:”A micu,mi n’di n’caminu,capaci ca mi affacciu dimani e sira pi natra stizza”

Micu:”si no su c’ca su n’tralla barracca cullu chianuazzu chi smarru na scala”

Cola:”Allora bonasira,bonasira a Vittuaria”

Vittuaria:”Bonasira a Cola”

Cola scaccia la porta e s’incamina di la strata di arriadi lu strittu.

Domenico Zangari (Micu di Nduja) mentre costruisce una scala a pioli
Raffigurato dall`artista Brognaturese Giuseppe Zangari.

(continua…)

 


 

E-mail: info@brognaturoonline.com

 

 

.

Home
 
Events
 History
 
Traditions
 Sceneries
 
Monuments
 
Hotels&Restaurants
 
Links

 GuestBook